كتيتها باللغة العامية بس ان شاء الله تعجبكم
نويت ارجع لبيتى واعود
هناك فوق الورق مفرود
سنين ياما سكنته زمان
بنيت له م الكلام جدران
ولونته بلون أحزان
رقـيق وردى وداخـله سواد
ف وسط قصيدة حطيته
وجبت العود وشديته
بدأت أعزف وغنيته
فنزلت ع الورق دمعة لقيته رماد
وقمت حزين على حالى
بلملم سُرة لعزالى
وفوق كتفى رميت شالى
وعديت الحدود بحدود
نويت ارجع لبيتى واعود
وحنيت والحنين خدنى
أعود واغزل حروف وطنى
بريت قلمى وكان له شروط
عشان يشبك خيوط ف خيوط
بإن الخط والمخطوط
تكون الفرحة له عنوان
وقلت مفيش بيوت فرحة
بيكتبها الحزين واضحة
بيصرخ والجروح تصحة
وتظهر ع الورق وتبان
وانا عارف هي عادتى
حزين ف كلامى وف صمتى
وبكتب ع اللى خان وقتى
وقدامى الطريق مسدود
نويت أرجع لبيتى واعود
وقال قلمى الطريق مفروش
وروود ومعاه عبير مرشوش
وملهمتك بتتحنا
بقالها كتير بتتمنا
تعيش وياك وتتهنا
وتبنيلها ف شعرك بيت
رما قلمى البليغ سهمه
وخلانى بقيت فاهمه
وحرر قلبى من وهمه
ونور لى الطريق ومشيت
وركبنا فوق ضهر الكلام
ورسينا على بر الختام
شاعر معاه قلمه الهمام
وعلى روحنا اخدنا عهود
نويت أرجع لبيتى واعود
تقبلوا تحياتي
أمـــــــــــــيـــــــــــر نفسه
موضوع: نويت أرجع..... 
الثلاثاء أبريل 01, 2008 11:48 am